समस्यामा परेका विद्यार्थीलाई राहत बाँड्दै अखिल
<p>काठमाडौं। सत्तारूढ नेपाल कम्युनिष्ट पार्टी (नेकपा)को विद्यार्थी संगठन अनेरास्ववियूले समस्यामा परेका विद्यार्थीलाई राहत बाँड्न थालेको छ।</p>
<p>कोरोना भाइरस संक्रमण फैलिन नदिन सरकारले गरेको लकडाउनका कारण समस्यामा परेका विद्यार्थी राहत उपलब्ध गराइएको अखिलका केन्द्रीय सदस्य नारायण घर्तीले बताएका छन्। </p>
<p>अखिलले दुई दिनमा झण्डै ७०० विद्यार्थीलाई राहत उलब्ध गराएको छ।</p>
<p>अखिल अध्यक्ष ऐन महर नेतृत्वको टोलीले काठमाडौंका शेषमती, नयाँ बजार, लैनचौर, चावहिन, मैतीदेवी, थापागाउँ, शंखमुल, बानेश्वर, तीनकुने, जडिबुटीलगायत क्षेत्रमा पुगेर आज राहत बाँडेको हो।</p>
<p style="text-align:center"><img alt="" height="720" src="https://www.dekhapadhi.com/storage/photos/shares/COVID-19/ANNFSU-Rahat-1.jpg" width="960" /></p>
<p>प्रतिविद्यार्थी १५ केजी चामल, २ केजी दाल, एक केजी नुन र एक लिटर तेल प्रदान गरिएको नेता घर्तीले बताए।</p>
<p>उनका अुनसार विद्यार्थीका समस्यालाई बुझेर आगामी दिनमा राहतको कामलाई निरन्तरता दिइनेछ। </p>
<p>अखिलले हिजो ६ वैशाखमा कीर्तिपुरस्थित साल्भनिय ऐकेडेमीमा ५०० जनालाई राहत उपलब्ध गराएको थियो। </p>
प्रतिक्रिया दिनुहोस्
.jpg)
