तातोपानी नाकाबाट भित्रियो चार कन्टेनर स्वास्थ्य सामग्री
<p>काठमाडौ। आज तातोपानी भन्सार नाकाबाट चार कन्टेनर स्वास्थ्य सामग्री नेपाल भित्रिएको छ।</p>
<p>चीनको वुहान शहरमा कोरोना संक्रमितको संख्या बढेपछि बन्द भएको तातोपानी नाका गत साता बाट पुनः सञ्चालमा आएयता आज पहिलो पटक सबैभन्दा धेरै सामान भित्रिएको हो।</p>
<p>तातोपानी भन्सार कार्यालयका प्रमुख लालबहादुर खत्रीले स्वास्थ्य सामग्री बोकेका चार वटा कन्टेनर नेपाल भित्रिएको बताए।</p>
<p>यसअघि ६ वैशाखमा एउटा कन्टेनर नेपाल आएको थियो। त्यो भन्दा अगाडी १६ माघ यता जम्मा ३५ कार्टुन मात्रै सामाग्री नेपाल भित्रिएको थियो।</p>
<p>ती कन्टेनरमा ४० कार्टुन पीपीई सेट, १३ कार्टुन मास्क र ४९४ थान मेडिकल बेड आएका थिए।</p>
<p>दुई दिन अघि नै चार वटा कन्टेनर नेपाल भित्रिने भनिए पनि प्राविधिक कारणले गर्दा ढिलो भएको बताइएको छ।</p>
<p>यस्तै ६ वैशाखमा आएको कन्टेनरमा १५ हजार थर्मल गन, १० हजार पीपीई सेट, १० हजार गगल्स र २० हजार थान शुज–कभर थिए।</p>
प्रतिक्रिया दिनुहोस्
.jpg)
