अमेरिकामा कोभिड-१९ का बिरामी ७ लाख ५९ हजार
<p>वासिङ्टन। अमेरिकामा कोभिड-१९ का बिरामी साढे सात लाख नाघेका छन्।</p>
<p>आइतबार साँझसम्मको तथ्यांकअनुसार सात लाख ५९ हजार ८६ जना अमेरिकी नागरिकमा कोभिड-१९ पोजिटिभ देखिएको हो। </p>
<p>जोन हकिन्स विश्वविद्यालयको सेन्टर फर सिस्टम्स साइन्स एन्ड इन्जिनियरिङले अमेरिकाभरको तथ्यांक अद्यावधिक गर्दै आएको छ।</p>
<p>उक्त केन्द्रका अनुसार हालसम्म अमेरिकामा कोभिड-१९ का कारण ४० हजार छ सय ६१ जनाको मृत्यु भइसकेको छ।</p>
<p>न्युयोर्कमा मात्र मात्र दुई लाख ४७ हजार आठ सय १५ जनामा कोभिड१९ पोजिटिभ देखिएको छ, जहाँ मृतक संख्या १८ हजार दुई सय ९८ पुगेको छ।</p>
<p>यस्तै, न्युजर्सीमा ८५ हजार तीन सय एक बिरामी र चार हजार तीन सय ६२ को मृत्यु भएको छ। म्यासाचुसेट्स, पेन्सिलभेनिया, क्यालिफोर्निया, मिचिगन र इलिनोइसमा ३० हजारभन्दा बिरामी फेला परेका छन्।</p>
प्रतिक्रिया दिनुहोस्
.jpg)
