कोभिड-१९ बाट निको भएका कैलालीका युवालाई प्रधानमन्त्रीको बधाई
<p>काठमाडौं। प्रधानमन्त्री केपी शर्मा ओलीले कैलालीका २१ वर्षीय युवक कोरोना भाइरसलाई जितेर उपचारपछि घर फर्केकामा खुशी व्यक्त गरेका छन्।</p>
<p>ओलीले <a href="https://twitter.com/kpsharmaoli/status/1251865077747048449" target="_blank">ट्वीट</a>मार्फत बधाई दिँदै ती युवकको सुस्वास्थ्यको कामना गरेका हुन्।</p>
<p>प्रधानमन्त्रीले उपचारमा संलग्‍न चिकित्सक, स्वास्थ्यकर्मी तथा सम्बद्ध सबैमा धन्यवाद दिएका छन्।</p>
<p>सेती प्रादेशिक अस्पतालमा उपचाररत् कैलालीको लम्कीचुहा नगरपालिका-९ प्रतापपुरका २१ वर्षीय युवक राज विक हिजो साँझ निको भएर डिस्चार्ज भएका थिए।</p>
<p>यसअघि ६ वैशाखमा टेकु अस्पतालबाट एक युवती र धौलागिरी अस्पतालबाट एक वृद्धा निको भएर घर फर्किसकेका छन्। उनीहरूलाई पनि प्रधानमन्त्रीले बधाई दिएका थिए।</p>
<p>नेपालमा हालसम्म ३१ जनामा कोभिड-१९ पुष्‍टि भएको छ। तीमध्ये चारजना निको भएका छन्।</p>
.jpg)
