Others

गृहपृष्ठ

ट्रम्प भन्छन्- अमेरिका चीनमा अनुसन्धानकर्मी पठाउन चाहन्छ वासिङ्टन। अमेरिकी राष्&zwj;ट्रपति डोनाल्ड ट्रम्प स्थानीय समयअनुसार आइतबारको प्रेस ब्रिफिङमा फेरि चीनमाथि खनिए। र, भने, ‘अमेरिका चीनमा अनुसन्धानकर्मी पठाउन चाहन्छ।’ आफ्नो मुलुकमा कोभिड-१९ का बिरामी र मृतक संख्या निरन्तर उकालो लागिरहँदा राष्&zwj;ट्रपति ट्रम्प भने चीनतिर निशाना साँधेर परिस्थितिलाई लगातार विषयान्तर गर्न खोजिरहेका छन्। ‘अमेरिका चीनमा अनुसन्धानकर्मी पठाएर कोभिड-१९ को महामारीका बिरामी र मृतक संख्या यकिन गर्न चाहन्छ,’ उनले आइतबारको प्रेस ब्रिफिङमा भने, ‘हामीले पहिलेदेखि नै चीनलाई भन्दै आएका छौं कि हामी अनुसन्धान गर्न चाहन्छौं। अझै पनि हामी त्यहाँ जान चाहन्छौं।’ सीएनएनका अनुसार चीनले कोभिड-१९ को महामारीबाट भएको मृत्यु र बिरामी संख्या लुकाएको आरोप राष्&zwj;ट्रपति ट्रम्पले लगाउँदै आएका छन्। चीनतिर निशाना साँध्दै गर्दा अमेरिकामा भने दिनानुदिन हताहती बढ्दो छ।