सुदूरपश्चिम प्रदेश सभाको हिउँदे अधिवेशन अन्त्य
<p>धनगढी। सुदूरपश्‍चिम प्रदेश सभाको हिउँदे अधिवेशन गएराति १२ बजेबाट लागू हुने गरी अन्त्य गरिएको छ।</p>
<p>प्रदेश सरकारको सिफारिस बमोजिम प्रदेश प्रमुख शर्मिलाकुमारी पन्तले अधिवेशन अन्त्य गरेकी हुन्। </p>
<p>कोभिड-१९ महामारीको जोखिमको कारण प्रदेश सभाको अधिवेशन अन्त्य गरिएको हो।</p>
<p>प्रदेश सभा सचिवालयले सूचनामार्फत् हिँउदे अधिवेशन अन्त्यको जानकारी गराइएको छ।</p>
<p>गत ६ माघबाट शुरू भएको हिँउदे अधिवेशनले पारित गरेको ‘निजी व्यवसाय दर्ता गर्ने सम्बन्धमा व्यवस्था गर्न बनेको विधेयक २०७६’ र ‘साझेदारी व्यवसाय दर्ता गर्ने सम्बन्धमा व्यवस्था गर्न बनेको विधेयक २०७६’ प्रदेश प्रमुखबाट प्रमाणीकरणसमेत भइसकेको छ ।</p>
<p>प्रदेशसभा सचिवालयमा दर्ता भएको अन्य पाँच वटा विधेयक छलफलका क्रममा थिए।</p>
<p>विधेयक अधिवेशनका रूपमा लिइने हिँउदे अधिवेशनको जारी बैठक गएको फागुन ११ गते अर्को सूचना प्रकाशित नभएसम्मका लागि सभामुखले स्थगन गरेका थिए। <em>रासस</em></p>
प्रतिक्रिया दिनुहोस्
.jpg)
