Others

गृहपृष्ठ

रोमाका खेलाडीले चार महिनाको तलब नलिने काठमाडौं। इटालियन सिरी ‘ए’ क्लब एएस रोमाका खेलाडी तथा प्रशिक्षकले कोभिड-१९ महामारीको अवस्थामा क्लबलाई सहयोग गर्न चार महिनाको तलब नलिने भएका छन्।  क्लबका कार्यकारी प्रमुख गुइडो फिइनगाले खेलाडीको उदारताको खुलेर प्रशंसा गरेका छन्। खेलाडीहरू तथा प्रशिक्षक पाउलो फोन्सेका र उनका स्टाफ संकटको बेला चार महिनाको तलब नलिन राजी भएका हुन्।  ‘‘हामी सदैव रोमामा एकताको कुरा गछौं,’’ फिइनगाले भने, ‘‘खेलाडी, प्रशिक्षक र उनका स्टाफले बाँकी सिजनको तलब रकम नलिएर क्लबलाई सहयोग गर्ने निर्णयले साँच्चिकै हामी एकसाथ छौं भन्&zwj;ने सन्देश प्रवाह गरेको छ। कप्तान इडेन जेकोसहित सम्पूर्ण खेलाडी तथा प्रशिक्षक फोन्सेका र उनको स्टाफलाई अहिले क्लब कुन अवस्थामा छ भन्&zwj;ने राम्रो थाहा छ। उनीहरूले देखाएको उदारताप्रति क्लब आभारी छ।’’ रोमाले १ मार्चदेखि कुनै पनि खेल खेलेको छैन। रोमाले खेलेको भोलिपल्टदेखि नै सिरी ‘ए’ को खेल तालिका स्थगित भएको थियो। लिगमा २६ खेल सकिँदा रोमा ४५ अंकका साथ पाँचौं स्थानमा छ। जुन चौथो स्थानको एटलान्टाभन्दा तीन अंकले पछाडि हो भने शीर्ष स्थानको युभेन्टस भन्दा १८ अंकले पछाडि हो।  फिइनगालाई बुझाइएको पत्रमा खेलाडीले भनेका छन्, ‘‘हामी खेलाडी चाँडोभन्दा चाँडो खेल्न तयार छौं र हाम्रो लक्ष्य हासिल गर्नका लागि लागि सक्दो धेरै प्रयास गर्नेछौं। अहिलेको यो आपतकालीन अवस्थामा वित्तीय परिणाम सामाना गर्न यो पर्याप्त हुँदैन भन्&zwj;ने हामीले महशुस गरेका छौं। रोमा प्रोजेक्टलाई सुचारू गर्न यसले केही मद्दत गर्ने आशाका साथ हामीले यो प्रस्ताव राखेका छौं।’’ युरोपेली राष्&zwj;ट्रमध्ये कोरोना भाइरसबाट ज्यान गुमाउनको संख्या इटलीमा अधिक छ, जहाँ हालसम्म २३ हजारभन्दा धेरैले ज्यान गुमाइसकेका छन्।