.jpg)
मन्त्रिपरिषद्को बैठक बालुवाटारमा शुरू
<p>काठमाडौं। मन्त्रिपरिषद्को बैठक प्रधानमन्त्री निवास बालुवाटारमा शुरु भएको छ।</p>
<p>भर्खरै बैठक शुरू भएको प्रधानमन्त्रीका प्रेस सल्लाहाकार सूर्य थापाले देखापढीलाई बताए।</p>
<p>आजको यो बैठक मन्त्रिपरिषद्को नियमित बैठक हो।</p>
<p>बैठक सरकारका नियमित काम कारबाहीका विषयमा केन्द्रीत रहने बताइएको छ।</p>
<p>त्यस्तै कोरोना भाइरस रोकथाम, नियन्त्रण र उपचारमा सरकारले गरिरहेको काम तथा थप रणनीति बनाउने विषयमा पनि बैठकमा छलफल हुनेछ।</p>
<p>१५ बैशाखसम्म जारी लकडाउन त्यसपछि के गर्ने भन्ने विषयमासमेत छलफल हुने बताइएको छ।</p>
<p>प्रधानमन्त्री केपी शर्मा ओलीले सरकारी सञ्चारमाध्यमहरुसँगको साक्षात्कार कार्यक्रममा पनि लकडाउन नै कोरोना भाइरसको रोकथाम नियन्त्रणको प्रभावकारी उपाय भएको बताएका थिए।</p>
<p>१५ बैशाखसम्मको परिस्थिती हेरेर त्यसपछि लकडाउन बढाउने वा केही स्वरुप परिवर्तन गर्न सकिने विषयमा पनि आजको बैठकमा मन्त्रिपरिषद्का सदस्यहरुसँग प्रधानमन्त्रीले छलफल गर्ने स्रोतले जानकारी दिएको छ।</p>
प्रतिक्रिया दिनुहोस्
.jpg)
