रोयल फ्लाइटमा ११० जना रूसी र युक्रेनी नागरिक स्वदेश फर्किए
<p>काठमाडौं। नेपालमा रहेका रूसी नागरिकलाई स्वदेश फर्काउनका लागि रूसी दूतावासले चार्टर्ड गरेको जहाज आज काठमाडौं आएर फर्किएको छ।</p>
<p>रोयल फ्लाइट एयरलाइनसको जहाज आज बिहान १० बजेर ३५ मिनेटमा त्रिभुवन अन्तर्राष्ट्रिय विमानस्थलमा अवतरण गरेको थियो।</p>
<p>उक्त जहाजले रूस र युक्रेनका गरी एक सय १० जना यात्रु लिएर आज दिउँसो १२ बजेर ४२ मिनेटमा फिर्ता भएको त्रिभुवन अन्तर्राष्ट्रिय विमानस्थलका प्रवक्ता चन्द्रलाल कर्णले बताए।</p>
<p>रूसी दुतावासले चार्टर्ड गरेको रोयल फ्लाइट एयरलाइन्सको बोइङ ७५७ काठमाडौं आएको कर्णले बताए।</p>
<p>लकडाउनका कारण नेपालमा अलपत्र परेका विदेशी नागरिकलाई सम्बन्धीत देशका नेपालस्थित दूतावासले धमाधम स्वदेश लगिरहेका छन्।</p>
प्रतिक्रिया दिनुहोस्
.jpg)
