नेकपा सचिवालय बैठक बालुवाटारमा शुरू
<p>काठमाडौं। नेपाल कम्युनिष्ट पार्टी (नेकपा) को केन्द्रीय सचिवालय बैठक प्रधानमन्त्री निवास बालुवाटारमा शुरू भएको छ। </p>
<p>प्रधानमन्त्री एवं नेकपा अध्यक्ष केपी शर्मा ओलीको आह्वानमा बैठक बसेको हो।</p>
<p>मन्त्रिपरिषद्ले आज दिउँसो गरेको निर्णयलाई लिएर सत्तारूढ नेकपाभित्र तरंग आएपछि सचिवालय बैठक डाकिएको प्रधानमन्त्री ओलीनिकट स्रोतले<em><strong> देखापढी</strong></em>लाई बतायो।</p>
<p>आजै बालुवाटारमा बसेको मन्त्रिपरिषद् बैठकले <a href="https://www.dekhapadhi.com/news/10932"><span style="color:#c0392b">पार्टी फोड्ने प्रावधान खुकुलो पार्न अध्यादेश ल्याउने </span></a> निर्णय गरेको थियो। </p>
<p>उक्त अध्यादेशपछि विभिन्न खालका टिप्पणी आइरहेका छन्। </p>
<p>नेकपालाई नै फुटाउनका लागि अध्यादेश ल्याइएको त होइन भन्ने श‌ंका पनि गरिएको छ। </p>
<p>तर, प्रधानमन्त्री ओलीले मन्त्रिपरिषद् बैठकमा <a href="https://www.dekhapadhi.com/news/10943" target="_blank"><span style="color:#c0392b;">नेकपाका लागि अध्यादेश नल्याइएको प्रष्ट </span></a>पारेका थिए। </p>
<p>सचिवालय बैठकमा सरकारले ल्याएको अध्यादेशसँगै कोभिड-१९ को रोकथाम र नियन्त्रण तथा उपचारमा सरकारले गरिरहेको काम र रणनीतिका बारेमा समेत छलफल हुने बताइएको छ।</p>
प्रतिक्रिया दिनुहोस्
.jpg)
