भारतमा कोभिड-१९ बाट एकैदिनमा संक्रमित हुनेको संख्या आजसम्मकै सबैभन्दा उच्च
<p>काठमाडौं। भारतमा कोभिड-१९ बाट एकैदिन संक्रमित पुष्टि हुने संख्या आजसम्मकै सबैभन्दा उच्च पुगेको छ। </p>
<p>आज साँझसम्म पछिल्लो २४ घण्टामा नोबल कोरोना संक्रमण पुष्टि हुनेहरूको संख्या एक हजार ५४० पुगेको छ। यो सहित भारतमा कोभिड-१९ का बिरामी संख्या १७ हजार ६५६ पुगेको छ। </p>
<p>भारतको स्वास्थ्य मन्त्रालयका अनुसार यसमध्ये ५५९ जनाको निधन भएको छ। १४ हजार २५५ जनाको उपचार भइरहेको छ भने दुई हजार ८४१ जना उपचारपछि घर फर्केका छन्।</p>
<p>सोमबार संघीय सरकारले महाराष्ट्र, मध्य प्रदेश, राजस्थान र पश्चिम बंगालका सबैभन्दा गम्भीर मानिएका आठ जिल्लामा स्वास्थ्यकर्मीको टोली पठाएको छ।</p>
<p>संसारभर कोभिड-१९बाट निधन हुनेहरूको संख्या एक लाख ६६ हजार भन्दा बढी पुगेको छ। १८५ देशमा संक्रमित हुनेहरूको संख्या २४ लाख बढी पुगेको छ।</p>
प्रतिक्रिया दिनुहोस्
.jpg)
