प्रदेश १ मा ३२६८ जनाको कोभिड–१९ परीक्षण
<p>विराटनगर। प्रदेश १ मा हिजो, ८ वैशाखसम्म तीन हजार २६८ जनाको कोभिड-१९ परीक्षण गरिएको छ।</p>
<p>मुख्यमन्त्री तथा मन्त्रिपरिषद् कार्यालय मातहतको कोरोना सूचना डेस्कका अनुसार आरडीटी विधिबाट दुई हजार ६०९ जना र पीसीआरबाट ६५९ जनाको परीक्षण गरिएको हो।</p>
<p>तीमध्ये १३ जना पोजिटिभ देखिएकाहरूको विराटनगरस्थित कोशी अस्पतालमा उपचार भइरहेको छ।</p>
<p>प्रदेश १ मा धरान र विराटनगर दुई ठाउँमा कोभिड-१९ नमूना परीक्षण गर्न प्रयोगशाला स्थापना गरिएको छ।</p>
<p>प्रदेश सरकारले निर्माण गरेको क्वारेन्टाइन स्थलमा बस्नेको संख्या कूल ८२५ जना पुगेको छ। हिजो १० जना क्वारेन्टाइन अवधि सकेर घर फर्किएका छन्।</p>
<p>स्वास्थ्यकर्मीको निगरानीमा आइसोलेसनमा ८ महिला र २७ पुरुषसहित ३५ जना उपचाररत् छन्। हिजो दुईजना डिस्चार्ज भएका छन् ।</p>
<p>होम क्वारेन्टाइनमा चार हजार ३४३ जना रहेको बताइएको छ।</p>
प्रतिक्रिया दिनुहोस्
.jpg)
