लकडाउनविरुद्ध अमेरिकामा प्रदर्शन व्यापक
<p>वासिङ्टन । अमेरिकामा लकडाउनको विरोधमा सडक प्रदर्शन बढ्दै गएको छ ।</p>
<p>कोभिड–१९ का बिरामी निरन्तर बढिरहँदा अमेरिकामा लकडाउन खोल्न माग गर्दै प्रदर्शन भइरहेको छ ।</p>
<p>अमेरिकामा कोभिड–१९ का बिरामी र मृतक संख्या विश्वमै सर्वाधिक छ । अमेरिकामा कोरोना भाइरस संक्रमण पोजिटिभ देखिएका मानिस सात लाख ८० हजार पुगेका छन् ।</p>
<p>सोमबारसम्मको आँकडाअनुसार मृतक ४१ हजार नाघेका छन् । त्यसका बावजुद अधिकांश अमेरिकी राज्यमा कोभिड–१९ बाट मानिसलाई जोगाउन लागू गरिएको लकडाउनकै विरोध भइरहेको छ ।</p>
<p>संक्रमण रोक्न लकडाउन गर्ने सरकारी निर्णय अनावश्यक भएको प्रदर्शनकारीको दाबी छ । बीबीसीका अनुसार सरकारले लकडाउन नखोले आफैं खोल्ने उनीहरूले बताउने गरेका छन् ।<br />
</p>
प्रतिक्रिया दिनुहोस्
.jpg)
