बेलायतमा २३ दिनदेखि आईसीयूमा रहेकी कोरोना संक्रमित नेपाली नर्सलाई सामान्य वार्डमा सारियो
<p>लण्डन। कोरोनाको सङ्क्रमणका कारण २३ दिनसम्म आईसीयूमा उपचाररत् नर्स उमा प्रधानलाई सामान्य वार्डमा सारिएको छ।</p>
<p>उमालाई कोभिड-१९ देखिएपछि साउथ इष्ट ससेक्सको कन्क्वस्ट अस्पतालमा भर्ना गरिएको थियो।</p>
<p>सो अस्पतालमा कार्यरत् १०० भन्दाबढी सहकर्मीले उमालाई सामान्य शय्यामा सार्दा ताली बजाएर सम्मान गरेका थिए ।</p>
<p>उमा भन्छिन्, “म सघन उपचार कक्षमा हुँदा मेरो उपचारमा संलग्न सबैलाई धन्यवाद दिने शब्दसमेत छैन। उनीहरूको योगदान अकल्पनीय छ जसले मलाई बचाए। म अझै अस्पतालमा छु। विस्तारै ठीक हुँदैछु ।”</p>
<p>सघन उपचार कक्षका प्रमुख केट् मुरे भन्छन्, “सघन उपचारमा कार्यरत् सबै कर्मचारी र सिंगो नर्स समूहको कडा परिश्रमले उमालाई यो कक्षबाट निकाल्न सफल भयौँ । उमालाई दुई हप्ताभन्दा बढी आइसीयूमा राख्नुपरेका कारण यो बुझ्नुस् कि उनलाई कोरोनाले कति गालेको रहेछ।”</p>
<p>उनले भने, “तर अकल्पनीय रूपमा आएको परिवर्तनले आज यहाँसम्म आइपुगिन्। हाम्रो गौरवको एउटा अंश हुन उमा पनि। यो कठिन घडीमा उनमा आएको यो परिवर्तन हामी सबैका लागि उदाहरणीय र हौसलापूर्ण कार्य भएको छ र हामी सबैको प्रर्थना छ उनलाई छिट्टै निको हुनेछ।”</p>
<p>त्यहाँबाट हिजै मात्र एक नेपाली जोडी निको भएर घर फर्केका छन् । <em>रासस</em></p>
प्रतिक्रिया दिनुहोस्
.jpg)
