स्थानीय र पश्चिमी वायुको प्रभावले वर्षा
<p>काठमाडौं। स्थानीय र पश्‍चिमी वायुको प्रभाव नेपालको आकाशमा एकसाथ देखिँदा अहिले देशभर वर्षा भइरहेको छ। देशका अधिकांश स्थानमा मेघ गर्जनसहित वर्षा भइरहेको छ।</p>
<p>यो अवस्था केही दिन कायम रहने जल तथा मौसम विज्ञान विभागको मौसम पूर्वानुमान महाशाखाले जनाएको छ। महाशाखाले आज बिहान छ बजे सार्वजनिक गरेको तीन दिनको पूर्वानुमानअनुसार आज दिनभर देशभर वर्षा हुने सम्भावना छ।</p>
<p>भोलि देशभर आंशिक बदली भएर अपराह्नपछि पहाडी क्षेत्रका केही स्थान र पश्‍चिम तराईमा मेघ गर्जनसहित वर्षाको सम्भावना छ। पर्सी बिहीबार पनि पश्‍चिमका केही स्थान तथा मध्य र पूर्वी भागका केही स्थानमा सोही प्रकृतिको वर्षा हुने महाशाखाले जनाएको छ।</p>
प्रतिक्रिया दिनुहोस्
.jpg)
