.jpg)
.jpg)
कोभिड-१९ को त्रासमा सिल गरिएको सनसिटी अपार्टमेन्ट खुला गरियो
<p>काठमाडौं। काठमाडौंको पेप्सीकोलास्थित सनसिटी अपार्टमेन्टमा खटिएका सुरक्षाकर्मीहरुको टोली हटाइएको छ।</p>
<p>उक्त अपार्टमेन्टमा बस्‍ने एकै परिवारका दुईजनामा र्‍यापिड टेष्‍टको क्रममा कोरोना भाइरस संक्रमण पोजिटिभ देखिएपछि १ वैशाख बेलुकादेखि नै अपार्टमेन्ट आसपासको क्षेत्र सिल गरिएको थियो।</p>
<p><img alt="" height="640" src="https://www.dekhapadhi.com/storage/photos/shares/COVID-19/suncity/suncity (1).jpg" width="960" /></p>
<p>महानगरीय प्रहरी प्रहरीसर काठमाडौंका प्रहरी प्रवक्ता डीएसपी होविन्द्र बोगटीले सनसिटी अपार्टमेन्टबाट प्रहरीको टोली हटाइएको <em>देखापढी</em>लाई बताए।</p>
<p>अपार्टमेन्टको 'ए ब्लक' मा बस्‍ने सबै २५० जनाको आरडीटी किट परीक्षणको रिपोर्ट नेगेटिभ आएकोले सुरक्षाकर्मी हटेको हो।</p>
<p>अपार्टमेन्टको १५ औं तलाको छैटौं फ्ल्याटमा बस्ने तीनजनाको आरडीटी परीक्षण पोजेटिभ आए पनि पीसीआर परीक्षणमा आमाछोरामा कोभिड-१९ पुष्‍टि भएको थियो। </p>
<p>बुहारीको थ्रोट स्वाब नमूनाको नतिजा भने नेगेटिभ देखिएको छ। उनीहरू ५ चैतमा बेलायतबाट काठमाडौं आएका थिए।</p>
<p>संक्रमित व्यक्तिहरूको घरमा सहयोगी रहेकाहरुको पनि पीसीआर परीक्षण गर्दा रिपोर्ट नेगेटिभ देखिएको छ।</p>
<p>कोरोना संक्रमित आमाछोराको पाटन अस्पतालको आइसोलेसन कक्षमा उपचार भइरहेको छ।</p>
<p>पेप्सिकोलास्थित उक्त अपार्टमेन्टमा करीब पाँच सय परिवार बस्दै आएका छन्।</p>
<p><img alt="" height="640" src="https://www.dekhapadhi.com/storage/photos/shares/COVID-19/suncity/suncity (6).jpg" width="960" /></p>
प्रतिक्रिया दिनुहोस्
.jpg)
