धुर्मुस सुन्तली अब राहत तथा उद्धारमा खटिने
<p>काठमाडौं। कोभिड-१९ महामारी रोकथाम तथा नियन्त्रणका लागि देश लकडाउनमा छ। आम मानिस घरमै बसिरहेका छन्। कलाकार तथा सामाजिक अभियन्ता सीताराम कट्टेल (धुर्मुस) र कुञ्जना घिमिरे (सुन्तली) पनि घरमै छन्। उनीहरूले लकडाउनको पालना गर्दै विभिन्‍न सन्देशमुलक भिडियो बनाउँदै आएका छन्। </p>
<p>अब भने उनीहरू पनि राहत, उद्धार तथा समन्वयकारी भूमिका निर्वाह गर्न अगाडि सरेका छन्। </p>
<p>धुर्मुस सुन्तली फाउण्डेशनमार्फत उनीहरू लकडाउनका बावजुद राहत तथा उद्धारमा खटिने भएका हुन्। </p>
<p>लकडाउन लम्बिँदै गर्दा धेरै जनामा अभाव र संकट सिर्जना भएको भन्दै आफूहरू अब मानवीय धर्म निर्वाह गर्न अघि सरिरहेको धुर्मुसको भनाइ छ। </p>
<p>लकडाउनका कारण कोही समस्यामा परेको खण्डमा फाउण्डेशनलाई सम्पर्क गर्न आग्रह गरेका छन्।</p>
प्रतिक्रिया दिनुहोस्
.jpg)
