अमेरिकाबाट अत्यावश्यक सामान बोकेर काठमाडौं आउँदै जहाज
<p>काठमाडौं। अत्यावश्य‍क सामान लिएर अमेरिकाको एक जहाज काठमाडौं आउँदैछ।</p>
<p>नेपालस्थित अमेरिकी दूतावास एवं अमेरिकी विभिन्‍न मिसनका लागि अत्यावश्‍क सामग्री लिएर गल्फ स्ट्रिम भी जहाज नेपाल आउन लागेको हो।</p>
<p>सो जहाज आज दिउँसो साढे १२ बजे त्रिभुवन अन्तर्राष्‍ट्रिय विमानस्थलमा अवतरण गर्ने नागरिक उड्यन प्राधिकरणका प्रवक्ता राजकुमार क्षेत्रीले <em>देखापढी</em>लाई बताए।</p>
<p>किर्गिस्थान ट्रान्जिट भएर आउने जहाज 'डिप्लोमेटिक सपोर्ट फ्लाइट' भएको जानकारी प्राप्त भएको उनले जानकारी दिए।</p>
<p>कोभिड-१९ फैलिन नदिन ११ चैतदेखि जारी लकडाउनका कारण आन्तरिक तथा बाह्य हवाई उडानहरू बन्द छन्।</p>
<p>तर, उद्धार, राहत तथा अत्यावश्यक कामका लागि भने उडाउनहरू भइरहेको छ।</p>
प्रतिक्रिया दिनुहोस्
.jpg)
