कोभिड-१९ महामारीविरुद्धको लडाईंमा फुटबल खेलाडीको ऐक्यवद्धता
<p>काठमाडौं। कोभिड-१९ महामारीका बेला अग्रपंक्तिमा रहेर काम गरिरहेकाहरूलार्इ नेपाली फुटबल खेलाडीले ताली बजाएर सम्मान व्यक्त गरेका छन्। </p>
<p>कोभिड-१९ महामारीविरुद्धको लडाईंमा अग्रपंक्तिमा रहेका स्वास्थ्यकर्मी, सुरक्षाकर्मी र स्वयंसेवकको हौसला बढाउनका लागि खेलाडीहरूले यसो गरेका हुन्।</p>
<p>‘‘हाम्रो ज्यान जोगाउनका लागि आफ्नो स्वास्थ्य जोखिममा राखेर काम गरिरहनु भएकाहरूको जति प्रशंसा गरे पनि कम हुन्छ,’’ नेपाली राष्‍ट्रिय टोलीका पूर्वकप्तान अनिल गुरूङले ताली बजाएको भिडियो इन्टाग्राममा राख्दै लेखेका छन्, ‘‘उहाँहरूको काममा ऐक्यवद्धता जनाउन हामीले यो सानो प्रयास गरेका छौं।’’ </p>
<p>उक्त भिडियोमा थ्री स्टार क्लबका प्रशिक्षक मेघराज केसी, पूर्वकप्तान विराज महर्जन, महिला टिमकी फरवार्ड सावित्रा भण्डारी, गोलकिपर अन्जना रानामगर, भोला सिलवाल, त्रिभुवन आर्मीका प्रशिक्षक नवीन न्यौपाने, रक्षक विकास खवासलगायत खेलाडी सहभागी छन्।</p>
<p>यसअघि कोरोना भाइरस संक्रमणविरुद्ध अग्रपंक्तिमा रहेर काम गरिरहेका स्वास्थ्यकर्मीको सम्मानमा विश्‍वभरका ५० भन्दा बढी खेलाडीले ताली बजाएर सम्मान गरेका थिए।</p>
<p>फुटबलको सर्वोच्च निकाय फिफाले राखेको उक्त भिडियोमा महान खेलाडी पेले, डिएगो म्यारोडोना, डेभिड बेकह्याम, रोनाल्डो, जिरोर्ड पिके, रोबर्टो कार्लोस, सर्जियो रामोस, भारतका भाइचुङ भुटियालगायत खेलाडी सहभागी थिए। </p>
<p>कोभिड-१९ का कारण अहिले विश्‍वका प्राय: सबै खेलुकद प्रतियोगिता स्थगित भएका छन्।</p>
प्रतिक्रिया दिनुहोस्
.jpg)
