Others

गृहपृष्ठ

उदयपुरको भुल्केबस्तीका थप ८ जनाको कोभिड-१९ रिपोर्ट पोजिटिभ, धरानको प्रयोगशालामा भेरिफाइ हुँदै काठमाडौं। उदयपुरको त्रियुगा नगरपालिका-३ भुल्केबस्तीका थप आठ जनाको विराटनगर प्रयोगशालामा गरिएको कोभिड-१९ परीक्षण नतिजा पोजिटिभ देखिएको छ। एकैपटक १३ जना संक्रमित देखिएको उदयपुर त्रियुगा नगरपालिका-३ भुल्केबस्तीको मस्जिद वरपरका उनीहरूको थ्रोट स्वाब नमूना परीक्षणको क्रममा पोजिटिभ आएपछि धरानस्थित बिपी कोइराला स्वास्थ्य विज्ञान प्रयोगशालामा पुन: जाँच गर्न लागिएको छ। ६ गते नमूना संकलन गरिएका ६९ जनाको परीक्षण गर्दा कोशी अंचल अस्पतालको ल्यावमा आठजनाको नतिजा पोजिटिभ आएको प्रदेश १ का कोभिड-१९ सूचना केन्द्र एवं मोरङ जनस्वास्थ्य कार्यालयका प्रमुख ज्ञानबहादुर बस्नेतले देखापढीलाई बताए। "भेरिफाइ रिजल्ट नआएसम्म यकिन गर्ने कुरा आउँदैन। हामीले आठजनालाई विराटनगर ल्याउँदैछौँ। उहाँहरूको स्वास्थ्य सामान्य छ", बस्&zwj;नेतले जानकारी दिए। त्यहाँका ६९ घरका एक/एक जनाको नमूना संकलन गरेर विराटनगर लगिएको थियो। त्रियुगा नगरपालिका-३ भुल्केका वडा अध्यक्ष अवधेशकुमार चौधरीका अनुसार उनीहरू आठैजनालाई आज बिहान एम्बुलेन्समा हालेर विराटनगर लगिएको छ। कोभिड-१९ का बिरामी भेटिएपछि सिल गरिएको भुल्केबस्ती र आसपासको क्षेत्रमा दुई दिनअघिबाट नेपाली सेनाको चिकित्सक टोलीले थ्रोट स्वाब नमूना संकलन गरिरहेको छ। <img alt="" height="720" src="https://www.dekhapadhi.com/storage/photos/shares/COVID-19/Army-Helicopter-udayapur.jpg" width="960" /> छाउनीस्थित सैनिक अस्पतालको चारजनाको प्राविधिक टोली ७ वैशाखमा त्यहाँ उपकरणसहित हेलिकप्टरमा पुगेको थियो। सो टोलीले १८ नम्बर बाहिनीको खेल मैदानमा भेला गरी स्थानीयवासीको कोभिड-१९ परीक्षणका लागि नमूना संकलन गरेको हो। १३ जनामा कोभिड-१९ पुष्टि भएको भुल्के बस्तीमा कूल ३२० जनाको नमूना संकलन गरिसकिएको छ। त्यसमध्ये नेपाली सेनाले संकलन गरेको २५१ थ्रोट स्वाबको नमूना हिजै हेलिकप्टरबाट टेकुस्थित राष्&zwj;ट्रिय जनस्वास्थ्य प्रयोगशालामा परीक्षणको लागि ल्याइएको छ। भोलिदेखि अन्यको नमूना संकलन गर्ने तयारी भइरहेको वडा अध्यक्ष चौधरीले बताए। <img alt="" height="556" src="https://www.dekhapadhi.com/storage/photos/shares/COVID-19/Udayapur.jpg" width="960" />