कोभिड-१९ कोषमा सहयोगका लागि राहुलको ब्याट लिलामीमा
<p>काठमाडौं। भारतीय क्रिकेट टीमका ब्याट्सम्यान केएल राहुल पनि कोभिड-१९ महामारी कोषमा सहयोग गर्ने खेलाडीको सूचीमा समावेश भएका छन्।</p>
<p>उनले गत वर्ष सम्पन्न विश्वकपमा प्रयोग भएका ब्याट, ब्याटिङ ग्लोब्स, हेलमेट, प्याड लिलाममा बिक्री गरेर रकम जम्मा गर्न लागेका हुन्।</p>
<p>लिलामबाट प्राप्त रकम विपन्न बालबालिकाहरूका लागि काम गर्ने परोपकारी संस्थामा जाने बताइएको छ।</p>
<p>राहुलले समर्थकहरूको समूह भारत आर्मीमार्फत घोषणा गर्दै आफ्नो जन्मदिनको अवसरमा उक्त काम गर्न लागका हुन्।</p>
<p>उनले यस कार्यका लागि जन्मोत्सव (शनिबार) उपयुक्त दिन भएको बताएका छन्।</p>
<p>‘‘लिलामीमा जानुहोस्। बच्चाहरू र मेरो लागि प्रेम देखाउनुहोस। यो कठिन समयमा हामी एकसाथ रहौं। एकजुट भयौं भने हामी बलियो हुनेछौं,’’ राहुलले भिडिओ सन्देशमा भनेका छन्।</p>
<p>यसअघि बंगलादेशका ब्याट्सम्यान मुस्फिकर रहिम तथा इङ्ल्यान्डका जोस बट्लर क्रिकेट सामाग्री लिलाम गरेर सहयोग गरेका थिए।</p>
<p>त्यस्तै सचिन तेन्डुलकर, सुनिल गावस्कर, गौतम गाम्भिर, हरभजन सिंह, युभराज सिंहले पनि सहयोग गरेका थिए।</p>
प्रतिक्रिया दिनुहोस्
.jpg)
