सेनाले चीनबाट दुई अर्ब २५ करोडको स्वास्थ्य सामग्री ल्याउँदै, सात दिनमा आइपुग्ने
<p>काठमाडौं। नेपाली सेनाले चीनबाट दुई अर्ब २५ करोड रूपैयाँको स्वास्थ्य सामग्री ल्याउने भएको छ। </p>
<p>३४२ टन स्वास्थ्य सामग्री एक करोड ८४ लाख ४१ हजार ७०६ अमेरिकी डलरमा खरिद गर्ने सम्झौता भएको हो। जसको आजको विनियमदर अनुसार २ अर्ब २५ करोड रूपैयाँ हुन्छ। </p>
<p>जीटूजी प्रक्रियाबाट सामान खरिद गर्ने जिम्मा पाएको नेपाली सेनाले चिनियाँ सरकारी कम्पनी चिनियाँ साइनोफाम इन्टरनेसनल कम्पनीसँग खरिद सम्झौता गरिसकेको छ। </p>
<p>सेनाले ७ वैशाखमा नै नेपालको तर्फबाट सम्झौता पत्रमा हस्ताक्षर गरेर पठाएको थियो। सोही दिन चिनियाँ पक्षले पनि सम्झौता पत्रमा हस्ताक्षर गरेर पठाएको हो।</p>
<p>स्वास्थ्य सामग्री खरिदका लागि नेपाली सेनाले राष्ट्र बैंकमार्फत् रकम पठाइसकेको छ। </p>
<p>नेपाली सेनाका प्रवक्ता, सहायक रथी विज्ञानदेव पाण्डेले पत्रकारहरूसँग आज भिडिओ कन्फ्रेन्स गर्दै अत्यावश्यक सामग्री सात दिनभित्र नेपालमा ल्याइपुर्‍याउने बताए।</p>
प्रतिक्रिया दिनुहोस्
.jpg)
