एनआरएनएको स्थगित मतदान शुरु
<p>काठमाडौं। गैरआवासीय नेपाली संघ एनआरएनएको नयाँ नेतृत्व चयनका लागि २९ असोजमा स्थगित भएको मतदान भर्खरै शुरु भएको छ।</p>
<p>२९ असोज अबेर मतदान सुरु भए पनि विद्य‍ुतीय भोटिङ मेशिनमा समस्या आएपछि आज १० बजेसम्मका लागि मतदान स्थगित भएको थियो।</p>
<p>एनआरएनए अष्ट्रेलियाका प्रतिनिधि राजिव केसीले प्रतिनिधिहरु लाइनमा बसेर मतदान शुरु भइसकेकाे बताए।</p>
<p>'म्यानुअल' नै मतदान गर्ने सहमति भइसकेकाले कागजी प्रक्रियाबाटै मतदान थालिएको छ।</p>
<p>मतदान सकिनासाथ गणना सुरु गर्ने र आजै निर्वाचनको नतिजा सार्वजनिक गरिने संघले जनाएको छ। संघको नयाँ अध्यक्षमा कुमार पन्त र कुल आचार्यले उम्मेदवारी दिएका छन्।</p>
<p>काठमाण्डौंमा २८ असोजबाट शुरु भएको सम्मेलनमा ४ जना उपाध्यक्ष पदमा ९ जनाको उम्मेदवारी परेको छ। महिला उपाध्यक्षमा २ जनाले उम्मेदवारी दिएका छन्। </p>
<p>त्यस्तै महासचिवमा २ जना, दुई जनाको सचिव पदमा ७ जना, कोषाध्यक्ष पदमा २ जना, सहकोषाध्यक्षमा २ जना, महिला संयोजकमा ३ जना र युवा संयोजकमा ३ जना प्रतिस्पर्धामा छन्।</p>
प्रतिक्रिया दिनुहोस्
.jpg)
