दुबईबाट फर्केका धनगढीका कोरोना संक्रमित युवक अस्पतालबाट डिस्चार्ज
<p>कैलाली। सुदूरपश्चिमका पहिलोपटक कोरोना संक्रमित देखिएका व्यक्ति सेती प्रादेशिक अस्पतालबाट डिस्चार्ज भएका छन्।</p>
<p>धनगढी उपमहानगरपालिका वडा नम्वर ५ का ३४ वर्षीय युवकको लगातार दुईपटकसम्म कोरोना परीक्षण रिपोर्ट नेगेटिभ आएपछि उनलाई अस्पतालले आज डिस्चार्ज गरेको हो।</p>
<p>दुबईबाट आएका उनमा १४ चैतमा कोरोना पुष्टि भएको थियो।</p>
<p style="text-align:center"><img alt="" height="639" src="https://www.dekhapadhi.com/storage/photos/shares/COVID-19/Amrit-Shahi-Kailai.jpg" width="960" /></p>
<p>उनको तीनपटक परीक्षण गर्दासम्म कोरोना रिपोर्ट पोजिटिभ देखाएको थियो। उनी २८ दिन सम्म अस्पतालमा उपचार गराएपछि डिस्चार्ज भएका हुन्।</p>
<p>यसअघि सेतीमै उपचाररत लम्कीका २१ वर्षीय संक्रमित युवक पनि डिस्चार्ज भइसकेका छन्। अहिले अस्पतालमा तीनजना संक्रमितको उपचार भइरहेको छ।</p>
प्रतिक्रिया दिनुहोस्
.jpg)
