घर जानलाई काेटेश्वर-जडीबुटी चोकमा सयौंको भीड
<p>काठमाडौं। चार सातादेखि जारी लकडाउनका कारण समस्यामा परेपछि काठमाडौं छाडेर घर जानेको भीड घट्दो होइन, झन् बढिरहेको छ।</p>
<p>लकडाउनका बेला आवागमनमा कडाइ गरिए पनि घर जान खोज्ने मजदुरहरूको दबाब बढ्दै गएपछि अहिले क्रमशः काठमाडौं छाड्नेहरूको भीड बढेको हो।</p>
<p>शुरूमा पैदल हिँडेरै मजदुरहरूले काठमाडौं छाड्न थालेपछि विभिन्न जिल्लाका स्थानीय सरकारहरूले गाडी पठाएर आफ्नो ठाउँका बासिन्दाको उद्धार गर्न थालेका छन्।</p>
<p>काठमाडौंमा रहेका संघीय सरकारका मन्त्रीहरूले पनि आफ्नो जिल्लाका श्रमिकहरूलाई गाडीको व्यवस्था गरेर जिल्ला पठाउन थालेका छन्।</p>
<p>त्यहीक्रममा अहिले काेटेश्वर-जडीबुटीमा सयौंको भीड लागेको छ। उनीहरूलाई लैजान थुप्रै बस जम्मा भएका छन्। त्यहाँ जम्मा भएको भीड मिलाउन प्रहरीलाई समेत हम्मे परेको छ।</p>
<p>काठमाडौं, ललितपुर र भक्तपुर छाडेर घरतर्फ जान चाहने मानिसहरू अहिले साे क्षेत्रमा ठूलो संख्यामा जम्मा भएका छन्।</p>
<p>उनीहरू दोलखा, सिन्धुपाल्चोकलगायतका जिल्ला जान चाहनेहरू रहेको प्रहरीकाे भनाइ छ। </p>
<p>गयराति र आज बिहानै पनि दोलखा, सिन्धुपाल्चोकलगायतका जिल्लामा सयौं मानिसहरू गएका थिए।</p>
<p style="text-align:center"><img alt="" height="900" src="https://www.dekhapadhi.com/storage/photos/shares/COVID-19/police bus 3.jpg" width="1200" /></p>
<p style="text-align:center"><img alt="" height="900" src="https://www.dekhapadhi.com/storage/photos/shares/COVID-19/bus...1.jpg" width="1200" /></p>
<p> </p>
प्रतिक्रिया दिनुहोस्
.jpg)
