तुलसीपुरमा श्रम बैंक, राहत लिनेलाई काम अनिवार्य
<p>दाङ। तुलसीपुर उपमहानगरपालिकामा श्रम बैंकको थालनी गरिएको छ।</p>
<p>सामाजिक दूरी कायम गर्दै आज भएको कार्यपालिकाको ८४ औं बैठकले श्रम बैंक स्थापना गर्ने निर्णय गरेको हो।</p>
<p>“राहत लिनेलाई श्रममा लगाउने गरी श्रम बैंकको स्थापना गर्ने निर्णय भएको छ”, प्रवक्ता श्याम डाँगीले भने।</p>
<p>विपन्नलाई राहत दिने र सो बापत् वडाका विभिन्न विकासका काममा उनीहरूलाई लगाउने निर्णय भएको उनको भनाइ छ।</p>
<p>श्रम बैंक सञ्चालनका लागि वडाध्यक्षको संयोजकत्वमा वडा-वडामा श्रम समिति बनाइने छ। यस्तो समितिले कामसँगै खाद्यान्न पनि उपलब्ध गराउने छ।</p>
<p>“जनता भौकै पनि नरहुन् र काम पनि पाउन् भन्नका लागि यस्तो योजना अगाडि बढाइएको हो,” नगर प्रमुख घनश्याम पाण्डेले भने, “अशक्त, ज्येष्ठ नागरिक लगायतकालाई भने राहतका लागि श्रम बंैकमा काम गर्नुपर्ने छैन।”</p>
<p>उनका अनुसार बाहिरबाट फर्किएका श्रमिकहरूलाई काममा लगाउनका लागि पनि यस्तो निर्णय गरिएको हो।</p>
<p>श्रम बैंकमा स्थानीयलाई प्राथमिकतामा राखेर काम गराइनेछ।</p>
प्रतिक्रिया दिनुहोस्
.jpg)
