कीर्तिपुरका विद्यार्थीलाई धुर्मुस सुन्तली फाउण्डेसनको खाद्यान्न सहयोग
<p>काठमाडौं। लकडाउनका कारण समस्यामा परेका कीर्तिपुर क्षेत्रमा बस्ने विद्यार्थीहरूलाई धुर्मुस सुन्तली फाउण्डेसनले खाद्यान्न सहयोग गरेको छ।</p>
<p>फाउण्डेसनले २०० बोरा चामल, ६०० किलो दाल, २०० लिटर तेल, २०० किलो नुन र २०० दर्जन बिस्कुट प्रदान गरेकाे विद्यार्थी हेमराज थापाले जानकारी दिए।</p>
<p>लकडाउनको पालना गर्दै घरमै बसिरहेका फाउण्डेसनका अध्यक्ष सीताराम कट्टेल (धुर्मुस) ले आज नै राहत तथा उद्धारमा खटिने बताएका थिए।</p>
<p>डेरामा बस्ने विद्यार्थीहरू समस्यामा परेको समाचार आएपछि फाउण्डेसनले सहयोग गरेको अध्यक्ष धुर्मुसले बताए।</p>
<p>लकडाउन लम्बिँदै गर्दा धेरैजनामा अभाव र संकट सिर्जना भएको भन्दै आफूहरू अब मानवीय धर्म निर्वाह गर्न अघि सरिरहेको धुर्मुसको भनाइ छ।</p>
<p>त्यस्तै लभिज्म अर्गनाइजेसनले पनि विद्यार्थीहरूलाई सहयोग गरेको छ। अर्गनाइजेसनले पनि १०० बोरा चामल, ८ बोरा दाल, १० कार्टुन तेल र चार बोरा नुन प्रदान गरेको हाे।</p>
<p>उक्त राहत २५० विद्यार्थीलाई वितरण गरिएको थियाे।</p>
प्रतिक्रिया दिनुहोस्
.jpg)
