डाेल्पामा यार्सा संकलन बन्द गरिने
<p>डाेल्पा। यस वर्ष यार्सागुम्बा संकलन रोकिने भएको छ।</p>
<p>जिल्ला प्रशासन कार्यालय डोल्पाको अगुवाइमा आज बसेको विपद् व्यवस्थापन समितिको बैठकले सो निर्णय गरेको हो।</p>
<p>बैठकले यस विषम परिस्थितिमा यार्सागुम्बा संकलन रोक्ने निर्णय गरेको प्रमुख जिल्ला अधिकारी सुरेश सुनारले जानकारी दिए।</p>
<p>जिल्लाका अधिकांश जनप्रतिनिधिको उपस्थितिमा सो निर्णय गरिनुका साथै कोरोना त्रासका कारण बढेको लकडाउन अझै व्यवस्थित बनाउने, स्थानीय तहले क्वारेन्टाइन निर्माणदेखि आइसोलेसन निर्माणका कामका बारेमा समीक्षासमेत गरिएको छ।</p>
<p>राहत प्याकेजलाई व्यवस्थितरूपमा वितरण गर्नका लागि सबै जनप्रतिनिधि र सरकारी अधिकारीले तदारुकता दिने प्रजिअ सुनारले जानकारी दिए। <em>रासस</em></p>
प्रतिक्रिया दिनुहोस्
.jpg)
