जिपको ठक्करबाट वृद्धाको मृत्यु
<p>भक्तपुर। मध्यपुरथिमि नगरपालिका–४ एसओएस चोकमा जिपले ठक्कर दिँदा बाटो काट्दै गरेकी एक वृद्धाको घटनास्थलमै मृत्यु भएको छ।</p>
<p>भक्तपुरबाट काठमाडौतर्फ जाँदै गरेको बा १४ च १६८६ नम्बरको जिपले ठक्कर दिँदा पैदलयात्री ओखलढुङ्गा लिखु गाउँपालिका–६ घर भई हाल मध्यपुरथिमि–४ बस्ने ७६ वर्षीया लक्ष्मीदेवी भट्टराईको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक रेवतीरमण पोखरेलले बताए। </p>
<p>तीव्रगतिको जिपले जेब्राक्रसिङबाट बाटो काटिरहेकी महिलालाई ठक्कर दिएर फरार भएका चालक काभ्रे बेथानचोक गाउँपालिका–३ का २४ वर्षीय विनोद घिमिरे प्रहरीमा आफैं उपस्थित भएका थिए। <em>रासस</em> </p>
प्रतिक्रिया दिनुहोस्
.jpg)
