कोभिड-१९ बाट बेलायतमा हालसम्म १८ नेपालीको मृत्यु
<p>लन्डन। बेलायतमा कोभिड-१९ का कारण थप एक नेपालीको मृत्यु भएको छ।</p>
<p>पोखरा याङ्जाकोट स्थायी घर भई बेलायतको रेडिङ बस्दै आएका ४९ वर्षीय विजय गुरुङको उपचारका क्रममा रोयल बर्कशायर अस्पतालमा निधन भएको हो।</p>
<p>रेडिङ तमु समाजका अध्यक्ष नन्द गुरुङका अनुसार आइतबार मृत्यु भएका उनीबारे अस्पतालले दुई दिनपछि मात्रै परिवारलाई जानकारी दिएको थियो।</p>
<p>श्‍वासप्रश्‍वासमा समस्या देखिएपछि गुरुङलाई गत साता अस्पताल भर्ना गरिएको थियो। बेलायतमा हालसम्म कोरोना भाइरसको संक्रमणबाट मृत्यु हुनेको संख्या १८ पुगेको छ। <em><strong>रासस</strong></em></p>
प्रतिक्रिया दिनुहोस्
.jpg)
