कोभिड-१९ मा मलेरियाविरुद्धको औषधी : प्रमाणित भएन ट्रम्पको दाबी
<p>वासिङ्टन । अमेरिकी राष्‍ट्रपति डोनाल्ड ट्रम्पले आक्रामक रूपमा वकालत गर्दै आएको मलेरियाविरुद्धको औषधीबाट कोभिड-१९ का बिरामीलाई कुनै लाभ देखिएको छैन । </p>
<p>उक्त औषधीको प्रयोगबाट महामारीका बिरामीलाई केही फाइदा नभएको उल्टै ज्येष्‍ठ नागरिकको मृत्युको कारक बनेको एक अध्ययनको निष्‍कर्ष छ ।</p>
<p>उक्त अध्ययन अमेरिकाभरका तीन सय ६८ पुरुष बिरामीमा गरिएको थियो । तीमध्ये ९७ जनालाई हाइड्रोक्लोरोक्‍वाइन, एक सय १३ जनालाई हाइड्रोक्सिक्लोरोक्‍वाइन र एजिथ्रोमाइसिन नामक एन्टिबायोटिक दिइएको थियो । र, एक सय ५८ जनाले हाइड्रोक्सिक्लोरोक्‍वाइन पाएका थिएनन् ।</p>
<p>ती औषधी नपाउनेहरूको मृत्युदर पाउनेको तुलनामा कम देखिएको छ । भेन्टिलेटरमा राखिएका बिरामीको अवस्था पनि उस्तै थियो, जसलाई औषधीहरूले काम गरेका थिएनन् ।</p>
<p>अध्ययनमा सहभागी गराइएका बिरामीमध्ये औषधी पाइरहेकाहरू २७ प्रतिशतभन्दा बढीको मृत्यु भएको छ । यस्तै, हाइड्रोक्सिक्लोरोक्‍वाइन र एजिथ्रोमाइसिनको मिश्रण दिइएका २२ प्रतिशत बिरामीको मृत्यु भएको छ । दुवै औषधी नदिइएकाहरूको मृत्युदर ११ दशमलव चार प्रतिशत मात्र छ ।</p>
प्रतिक्रिया दिनुहोस्
.jpg)
