Others

गृहपृष्ठ

नेपालको आकाशमा प्रि-मनसुन सक्रिय काठमाडौं। बंगालको खाडीबाट आएको जलवाष्&zwj;पयुक्त हावा र प्रि-मनसुन सक्रिय भएकाले देशभर बदलीसँगै मेघगर्जन, चट्याङ, हावाहुरी र असिनासहित वर्षा भइरहेको मौसमविद्ले बताएका छन् । मौसमविद् समिर श्रेष्&zwj;ठका अनुसार प्रि-मनसुनको प्रवृत्ति दिनमा घाम लाग्&zwj;ने तथा अपराह्न र साँझपख मेघगर्जनसहित क्षणिक वर्षा हुने गर्छ।   “अहिले प्रि-मनसुनको साथै पश्&zwj;चिमी वायुकोको प्रभाव रहेकाले बिहानैदेखि बदलीसहित वर्षा भएको हो,” मौसमविद् श्रेष्&zwj;ठले भने। उनका अनुसार यस समयमा पश्&zwj;चिमी वायुको प्रभाव स्थानीय वायुसँग जोडिँदा बलियो भएर चट्याङ पर्ने हुन्छ। उक्त मौसमी प्रणालीको प्रभाव अझै केही दिन कायम रहने बताइएको छ।  हाल देशको मध्य र पूर्वी भू-भागमा सामान्यदेखि पूर्ण बदली रही पश्&zwj;चिमी भू-भागमा आंशिक बदली भइरहेको छ। दिउँसो देशभर आंशिक बदली रही देशको पहाडी भू-भागका धेरैजसो स्थानमा र मध्य र पूर्वी तराईका केही स्थानमा अपराह्नपछि मेघगर्जन, चट्याङ, असिना र हावाहुरीसहित वर्षाको सम्भावना रहेको  मौसम पूर्वानुमान महाशाखाले जनाएको छ। महाशाखाका अनुसार राति देशभर आंशिक बदली रही पहाडी भू-भागका एक-दुई स्थानमा र पूर्वी तराईका केही स्थानमा मेघगर्जन हावाहुरीसहित वर्षाको सम्भावना छ। रासस