उदयपुरमा थप तीन जनामा कोभिड-१९ पुष्टि, नेपालमा संक्रमितको संख्या ४५ पुग्यो
<p style="text-align:justify">काठमाडौं। धरानस्थित् बीपी कोइराला स्वास्थ्य विज्ञान प्रतिष्ठानमा गरिएको नमूना परीक्षणमा आज थप तीन जनामा कोरोना भाइरस संक्रमण पुष्टि भएको छ।</p>
<p style="text-align:justify">स्वास्थ्य तथा जनसंख्या मन्त्रालयले आज तीन जनामा कोरोना संक्रमण पुष्टि भएको जानकारी दिएको हो।</p>
<p style="text-align:justify">उनीहरू तीनैजना उदयपुरको त्रियुगा नगरपालिका-३ भुल्के बस्तीका हुन्। </p>
<p style="text-align:justify">नियमित प्रेस ब्रिफिङमा मन्त्रालयका प्रवक्ता डा.विकास देवकोटाले २४, ६० र ७२ वर्षीय पुरुषमा संक्रमण पुष्टि भएको जानकारी दिए।</p>
<p style="text-align:justify">योसँगै नेपालमा संक्रमितको संख्या ४५ पुगेको छ।</p>
<p>अहिलेसम्म सात जना निको भएर घर फर्किसकेका छन्। अन्य ३५ जनाको आइसोलेसनमा उपचार भइरहेको छ।</p>
<p>आज संक्रमण देखिएका तीन जनालाई पनि अस्पतालमा भर्ना गर्ने तयारी भइरहेको छ।</p>
.jpg)
