प्रदेश ५ सरकारले तराईमा आठ लाख र पहाडी जिल्लामा पाँच लाख रूपैयाँ दिने
<p>काठमाडाैं। प्रदेश ५ सरकारले प्रदेशअन्तर्गतका जिल्लामा कोरोना भाइरस जोखिम व्यवस्थापनका लागि आवश्यक बजेट दिने निर्णय गरेको छ।</p>
<p>प्रदेश सरकार, मन्त्रिपरिषद्को आज बसेको बैठकले प्रदेश विपद् व्यवस्थापन कोषमा रहेको रकमबाट तराईका जिल्लामा आठ लाख र पहाडी जिल्लामा पाँच लाख रूपैयाँ दिने निर्णय गरेको हो।</p>
<p>उक्त रकम विपद् व्यवस्थापन समितिमा उपलब्ध गराइने निर्णय गरिएको मुख्यमन्त्रीका प्रेस सल्लाहकार शेरबहादुर केसीले जानकारी दिए।</p>
<p>यस्तै बैठकले २०७७ मा प्रदेशले दिने ६ दिनको बिदाबारे समेत निर्णय गरेको छ।</p>
<p>प्रदेश सरकारले एक वर्षमा बकरइद, १ र २ माघ तथा ३ फागुनमा प्रदेश स्थापना दिवसमा बिदा दिइने निर्णय गरेको छ।</p>
<p>स्थानीय तहको निर्णयबाट हुने एक दिनको बिदा र निश्चित पर्व मनाउने समुदाय र ठाउँमा एक दिन बिदाको निर्णय गरिएको छ।</p>
<p>निश्चित पर्व मनाउने समुदाय र ठाउँअन्तर्गत रुकुमरोल्पामा भूमेपूजा, थारु समुदायको बडकवा अतवारी र पाल्पामा भगवतीजात्रामा बिदा दिइनेछ।</p>
<p>बैठकले बालरोग विशेषज्ञ डा. किरणमणि पौडेललाई लुम्बिनी प्रादेशिक अस्पतालमा हाजिर गराई कामकाजमा खटाउने निर्णयसमेत गरेको मुख्यमन्त्रीका प्रेस सल्लाहकार केसीले जारी गरेकाे प्रेसनोटमा जनाइएको छ। <em>रासस</em></p>
प्रतिक्रिया दिनुहोस्
.jpg)
