भारतकाे क्वारेन्टाइनमा किरिया बसेकाे चार दिनपछि तीन दाजुभाइ स्वदेश फिर्ता
<p style="text-align:justify">कैलाली। बुबाकाे निधन भएपछि भारतको क्वारेन्टाइनमा किरिया बसेका तीनजना दाजुभाइलाई चारदिनपछि आज स्वदेश ल्याइएको छ।</p>
<p style="text-align:justify">बैतडी पुर्चौडी नगरपालिकाका प्रेम धामी,अम्मर धामी र राम धामीले बुबाको निधन भएको चार दिन बितिसक्दा पनि नेपाल प्रवेश गर्न पाएका थिएनन्।</p>
<p style="text-align:justify">जिल्ला प्रशासन कार्यालय बैतडीले भारतीय प्रशासनसँग समन्वय गरी उनीहरूलाई स्वदेश ल्याएको हो। </p>
<p style="text-align:justify">बैतडीका प्रमुख जिल्ला अधिकारी आनन्द पौडेलका अनुसार जिल्ला स्वास्थ्य कार्यालय बैतडीमा उनीहरूको आरडीटी परिक्षण भइरहेको छ।</p>
<p style="text-align:justify">परीक्षणपछि घर पठाउने तयारी भइरहेको उनकाे भनाइ छ। </p>
<p style="text-align:justify">उनीहरू भारतको पिथौरागढस्थित भर्मेन्ट इन्टरमेडियट कलेजमा बनाइएको क्वारेन्टाइनमा किरिया बसेका थिए।</p>
.jpg)
