चैत महीनाको योगदान रकम श्रमिकको खातामा
<p>काठमाडाैं। सरकारले गत फागुनसम्म नियमित योगदान गरेका रोजगारदाता र श्रमिकको मात्र चैत महीनाको योगदान रकम सामाजिक सुरक्षा कोषमा जम्मा गरिदिने भएको छ।</p>
<p>रोजगारदाताले श्रमिकको फागुन महीनासम्मको योगदान रकम कोषमा दाखिला तथा चैत महीनाको तलब नियमितरूपमा भुक्तानी गरेको विवरण पेश गरेपछि मात्र चैत महीनाको योगदान रकम जम्मा हुने कोषले जनाएको छ।</p>
<p>सरकारले लकडाउनका कारण प्रभावित भएका औपचारिक क्षेत्रका श्रमिकको चैत महीनाको कोषमा जम्मा गर्नुपर्ने आधारभूत पारिश्रमिकको ११ प्रतिशत श्रमिक र २९ प्रतिशत रोजगारदाताको तर्फबाट हुन आउने रकम कोषमा जम्मा गरिदिने निर्णय गरेको थियो।</p>
<p>सरकारको सोही निर्णयसँगै फागुनसम्म नियमित योगदान गर्दै आएका रोजगारदाता र श्रमिकको चैत महीनाको योगदानबापत् १८ करोड ६७ हजार रूपैयाँ प्राप्त भइसकेको कोषका प्रवक्ता रमा भट्टराईले जानकारी दिइन्। </p>
<p>लकडाउनको अवधिमा पनि करीब चार हजार योगदानकर्ता कोषमा आबद्ध भएका छन्। आजसम्म कोषमा १२ हजार ३३० रोजगारदाता र एक लाख ५७ हजार योगदानकर्ता सूचीकृत भइसकेका छन्।</p>
<p>यसैगरी गत साउनदेखि कोषमा योगदान गर्न शुरू भएकामा हालसम्म ८६१ रोजगारदाताका ३३ हजार ३२७ श्रमिकले ९० करोड ५६ लाख रूपैयाँ योगदान रकम जम्मा भइसकेको छ। <em>रासस</em></p>
प्रतिक्रिया दिनुहोस्
.jpg)
