लकडाउनमा आमा भेट्न नेपाल टेलिकमले ल्यायो यी अफर
<p>काठमाडौं। लकडाउनका बीचमा आज परेको मातातीर्थ औंसीमा विगतका वर्षमा जस्तो आमाको मुख हेर्न भेटघाटमै जान त असम्भव नै छ।</p>
<p>तर, प्रविधिका कारण मोबाइल र कम्प्युटरबाटै भेटघाट भने सजिलो बनाइदिएको छ।</p>
<p>नेपाल टेलिकमले यस वर्षको आमाको मुख हेर्ने पर्व सामाजिक दूरी कायम गरी मनाउन आग्रह गरेको छ।</p>
<p>आमा भेट्न नसक्नेका लागि आफ्नो नेटवर्कभित्रका नम्बरहरूमा भ्वाइस, डाटा र एसएमएसको माध्यमबाट मन खोलेर कुरा गरी आमालाई खुशी पार्न सकिने टेलिकमले जनाएको छ।</p>
<p>त्यसका लागि प्याक खरिद गर्न *१४१५*८*१# डायल गर्नुपर्नेछ।</p>
<p>त्यसबाट भ्वाइस, डाटा र एसएमएसको एक घण्टासम्म अनलिमिटेड सुविधा लिन सकिने छ। डाटाबाट एकघण्टासम्म भिडिओ कन्फ्रेन्स गर्न सकिनेछ। यसका लागि २० रूपैयाँ मात्र शुल्क लाग्नेछ।</p>
प्रतिक्रिया दिनुहोस्
.jpg)
