प्रदेश १ मा कोभिड-१९ का २८ जना बिरामी
<p>विराटनगर। प्रदेश १ मा कोरोना संक्रमितको संख्या २८ पुगेको छ।</p>
<p>पछिल्लो कोभिड-१९ परीक्षणमा दुई महिलासहित कोभिड-१९ पुष्‍टि भएका २८ जना रहेको प्रदेश १ मुख्यमन्त्री तथा मन्त्रिपरिषद्को कार्यालय कोरोना सूचना डेस्कले जनाएको छ ।</p>
<p>उनीहरूमध्ये १६ नेपाली र १२ भारतीय छन्। सबै संक्रमित उदयपुर त्रियुगा नगरपालिका-३ भुल्केमा भेटिएका हुन्।</p>
<p>उनीहरुको उपचार विराटनगस्थित कोशी अस्पताल कोभिड-१९ उपचार केन्द्रमा भइरहेको छ। सबैजनाको स्वास्थ्य सामान्य रहेको छ।</p>
<p>प्रदेशमा हालसम्म ८२३ जनाको थ्रोट स्वाब पिसीआर विधिबाट परीक्षण गरिएको छ भने आरडीटी विधिबाट तीन हजार ५९२ जनाको नमूना संकलन गरिएको छ।</p>
<p>प्रदेशअन्तर्गतका विभिन्न स्थानमा रहेका आइसोलेसन शय्यामा बस्नेको ३४ छ। क्वारेन्टाइनमा एक हजार ७० छन् । <em>रासस</em></p>
प्रतिक्रिया दिनुहोस्
.jpg)
