नयाँ दल दर्ताका लागि निर्वाचन आयोग पुगे राजपा र समाजवादीका नेताहरू
<p>काठमाडौं । एकीकृत जनता समाजवादी पार्टीका नेताहरु नयाँ दल दर्ता गराउन निर्वाचन आयोगमा पुगेका छन् । </p>
<p>आज बिहान साढे १० बजे दर्ताका लागि निर्वाचन आयोग पुगेको नेता केशव झाले जानकारी दिए । आयोगमा उपेन्द्र यादव, राजेन्द्र महतो, शरतसिंह भण्डारी, राजेन्द्र श्रेष्ठ लगायतका नेताहरु पुगेका छन्। </p>
<p>समाजवादी पार्टीका केन्द्रीय सदस्य शिवजी यादवले नयाँ दल दर्ताका लागि आयोग पुगेको जानकारी दिए। </p>
<p>हिजो मध्यराति समाजवादी पार्टी र राजपाबीच सहमति पत्रमा हस्ताक्षर भएको थियो । राजपाको तर्फबाट महन्थ ठाकुर, राजेन्द्र महतो, महेन्द्र राय यादव र शरतसिंह भण्डारीले र समाजवादीको तर्फबाट बाबुराम भट्टराई, उपेन्द्र यादव, अशोक राई र राजेन्द्र श्रेष्ठले हस्ताक्षर गरेका थिए ।</p>
<p>निर्वाचन आयोगमा दल दर्ता भइसकेपछि संसद सचिवालयमा सभामुखलाई जानकारी गराउन जाने कार्यक्रम रहेको नेता शिवजी यादवले देखापढीलाई जानकारी दिए ।</p>
<p>उनले पार्टी अब आफ्नो प्रक्रियामा अघि बढ्ने बताए । केन्द्रीय समितिको बैठक कहिले र कतिबेला बस्ने भन्ने यकिन नभएको उनले बताए ।</p>
<p><strong>यो पनि पढ्नूस्</strong><br />
<a href="https://www.dekhapadhi.com/news/11104" target="_blank">राजपा र समाजवादी पार्टीबीच एकता घोषणाराजपा र समाजवादी पार्टीबीच एकता घोषणा</a></p>
प्रतिक्रिया दिनुहोस्
.jpg)
