भक्तपुरबाट ११ बन्दी रिहा
<p>भक्तपुर। लकडाउनको अहिलेसम्मको अवधिमा जिल्ला अदालत भक्तपुरको आदेशमा ११ बन्दी रिहा भएका छन्।</p>
<p>यस अवधिमा बाल सुधारगृहमा रहेका १० र मुलुकी फौजदारी कार्यविधि संहिताको दफा १५५ को निवेदनका आधारमा एक वर्षभन्दा कम सजाय बाँकी रहेका एक गरी ११ बन्दी रिहा भएको अदालतका श्रेस्तेदार घनेन्द्र अधिकारीले बताए।</p>
<p>कोभिड-१९ को जोखिमका कारण अहिले देशैभर एक वर्षभन्दा कम सजाय तोकिएकाहरूलाई रिहा गरिँदै आइएको छ।</p>
<p>लकडाउनको समयमा पनि नियमित अदालत सञ्चालन गरी बन्दी प्रत्यक्षीकरण, पक्राउ पूर्जी अनुमति, अभियोगपत्र दर्तालगायतका काम भइरहेको उनले जानकारी दिए।</p>
<p>अदातलमा लकडाउन अवधिभर १० अभियोगपत्र दर्ता भएको, दुई अवधि थप र दुई जरुरी पक्राउ पूर्जी जारी भएको बताइएको छ। <em>रासस</em></p>
प्रतिक्रिया दिनुहोस्
.jpg)
