कैलालीमा नेविसंघको घुम्ती रक्तदानमा ९२ जना सहभागी
<p>कैलाली। आफ्नो ५१ स्थापना दिवसको अवसर पारेर नेपाल विद्यार्थी संघ क्षेत्र नम्बर ५, कैलालीले धनगढी उपमहानगरपालिकाका विभिन्‍न ठाउँमा घुम्ती रक्तदान कार्यक्रम गरेको छ।</p>
<p>साताव्यापी आयोजना गरिएको रक्तदानमा ९२ जनाले रक्तदान गरेका छन्।</p>
<p>नेविसंघ क्षेत्र नम्बर ५ का सभापति गजेन्द्रविक्रम शाहीले लकडाउनमा रगत संकलन नहुँदा विरामीलाई रगत अभाव पूर्ति गराउन रेडक्रस सोसाइटीसँगको सहकार्यमा रक्तदान कार्यक्रम गरिएको बताए।</p>
<p>६ वैशाखदेखि संचालन गरिएको घुम्ती रक्तदानमा रक्त सञ्चार केन्द्र धनगढीमा १०, फूलबारी डिपो बजारमा १४, बिशालनगरमा १४, राजपुर चोकमा १५ जना, शिवनगरमा १७ र वडा नम्बर २ मा २२ जना सहभागी भएका छन्।</p>
<p>रगत जोहो गर्न निकै समस्या भइरहेको बेला यस्ता अभियानले सहयोग पुगेको रक्त सञ्चार केन्द्र धनगढीका प्रमुख धरणी पन्तले बताए।</p>
प्रतिक्रिया दिनुहोस्
.jpg)
