ओली-दाहाल भेटपछि नेकपा सांसदहरुसँगको छलफल स्थगित
<p>काठमाडौं। प्रधानमन्त्री एवं सत्तारुढ नेपाल कम्युनिष्ट पार्टी (नेकपा)का अध्यक्ष केपी शर्मा ओली र अर्का अध्यक्ष पुष्पकमल दाहालले आफ्ना सांसदहरुसँग प्रदेशगत रुपमा शुरु गरेको संयुक्त छलफल स्थगित भएको छ।</p>
<p>आज बिहान प्रधानमन्त्री निवास बालुवाटारमा भएको ओली-दाहाल भेटवार्तापछि आजका लागि निर्धारित छलफल स्थगित भएको हो।</p>
<p>सरकारले ल्याएका दुईवटा अध्यादेशले नेकपा पंक्तिमा अन्योल सिर्जना गरेपछि हिजो, १० बैशाखदेखि दुवै अध्यक्षले आफ्ना सांसदहरुसँग प्रदेशगत छलफल शुरु गरेका थिए।</p>
<p>त्यसअनुसार हिजो सुदुरपश्चिम, प्रदेश १ र बागमती प्रदेशका सांसदहरुसँग छलफल भएको थियो।</p>
<p>आज बाँकी प्रदेशका सांसदहरुसँग छलफललाई निरन्तरता दिने कार्यक्रम तय गरिएको थियो।</p>
<p>प्रधानमन्त्री ओलीका प्रेस सल्लाहकार सूर्य थापाले आज अध्यक्षद्वयबीच समसामयिक विषयमा भेटवार्ता भएको र करीब एक घण्टा दुवैले कुराकानी गरेको बताए।</p>
<p>'वान अन वान' कुराकानीपछि सांसदहरुसँगको छलफल स्थगित भएको हो।</p>
प्रतिक्रिया दिनुहोस्
.jpg)
