प्रधानमन्त्रीले भेटे राष्ट्रपतिलाई
<p style="text-align:justify">काठमाडौं। प्रधानमन्त्री केपी शर्मा ओलीले आज साँझ राष्ट्रपति विद्यादेवी भण्डारीसँग भेटवार्ता गरेका छन्।</p>
<p style="text-align:justify">राष्ट्रपतिलाई भेट्न प्रधानमन्त्री ओली बालुवाटारस्थित् निवासबाट शीतलनिवास गएका हुन्।</p>
<p style="text-align:justify">प्रधानमन्त्रीका प्रेस सल्लाहकार सूर्य थापाले यो नियमित भेटघाट भएको <em><strong>देखापढी</strong></em>लाई बताए।</p>
<p>आज बिहान प्रधानमन्त्री ओलीले आफ्नो दल नेपाल कम्युनिष्ट पार्टी (नेकपा)का अर्का अध्यक्ष पुष्पकमल दाहाललगायतका नेतासँग पनि छलफल गरेका थिए।</p>
<p>छलफलमा दाहालले ८ वैशाखमा सरकारले ल्याएका दुईवटा अध्यादेश फिर्ता गर्न सल्लाह दिएको दाहालनिकट नेताहरूले बताउँदै आएका छन्।</p>
<p>अध्यादेशको तीब्र विरोध भएकाले त्यसलाई फिर्ता गर्नुपर्ने सल्लाह दाहालले दिए पनि प्रधानमन्त्री ओलीले त्यसबारे केही नबताएको स्रोतले बतायो।</p>
<p>त्यसकै बारेमा छलफल गर्न प्रधानमन्त्री शीतलनिवास गएको आकलन कतिपयले गरेपनि प्रधानमन्त्रीनिकट स्रोतले भने यो नियमित भेटघाट मात्र भएको दाबी गरेको छ। </p>
<p>“अध्यादेशमा पुनर्विचार गर्नुपर्यो भने पहिले क्याबिनेट बैठक बस्नुपर्छ, त्यहाँ मात्र यसबारे कुरा हुन्छ”, स्रोतले भन्यो, “अहिले त्यसबारे केही भएको छैन।”</p>
.jpg)
