साउदीबाट ३० फागुनमा काठमाडौं आएका थिए काेभिड-१९ संक्रमित भोजपुरका युवक
<p>काठमाडाैंं। भाेजपुरकाे हतुवागढीमा काेभिड-१९ संक्रमित युवा ३० फागुनमा साउदीबाट काठमाडौं आएर ११ चैतमा होम्ताङ्गस्थित घर पुगेकाे खुलेकाे छ।</p>
<p>होम क्वारेन्टाइनमा रहेका उनको ९ वैशाखमा आरडीटी रिपोर्ट पोजिटिभ देखिएको थियो।</p>
<p>र्‍यापिड टेष्‍ट पोजिटिभ आएपछि उनको थ्रोट स्वाब नमूना परीक्षणका लागि धरान पठाइएको थियो।</p>
<p>आरडीटी नतिजा पोजिटिभ आएदेखि नै ती युवा घोडेटारस्थित प्राथमिक स्वास्थ्य केन्द्रको आइसोलेसनमा छन्।</p>
<p>आज धरानमा गरिएको नमूना परीक्षणको क्रममा कोरोना भाइरस संक्रमण पुष्टि भएको सूचना पाएसँगै उनलाई भोलि बिहान सम्बद्ध निकायहरूसँग समन्वय गरी गाउँपालिकाले थप उपचारका लागि विराटनगर पठाउने तयारी गरिरहेको छ।</p>
<p><strong>पढ्नुहाेस्ः</strong></p>
<p><strong><a href="https://dekhapadhi.com/news/11165" target="_blank">भोजपुर हतुवागढीका २६ वर्षीय युवामा कोभिड-१९ देखियो </a></strong></p>
प्रतिक्रिया दिनुहोस्
.jpg)
