Others

गृहपृष्ठ

भूकम्पपछिको विपत्तिमा जस्तै कोभिड-१९ विरुद्धको लडाईंमा एकजुट हुन प्रधानमन्त्रीको आग्रह काठमाडौँ। प्रधानमन्त्री केपी शर्मा ओलीले भूकम्पपछिको राहत, उद्धार, पुनर्निर्माण तथा पुनःस्थापनाको काममा अघि बढेझै सबै नेपालीको जीवन रक्षाका लागि कोरोना भाइरस विरुद्धको लडाईंमा एकताबद्ध हुन सबैमा आग्रह गरेका छन्। भूकम्प स्मृति दिवसका अवसरमा आज जारी सन्देशमा प्रधानमन्त्री ओलीले कोभिड–१९ रोकथाम तथा नियन्त्रणको अभियानमा जुट्न आग्रह गरेका हुन्। “सदृश्य भग्नावशेष निर्माण गर्न जति गाह्रो हुन्छ, अदृश्य शत्रुसँंग लड्ने कार्य त्यसभन्दा धेरै जटिल हुँदो रहेछ भन्ने हामी सबैले बुझिरहेकै छौँ”, सन्देशमा भनिएको छ, “यतिबेला विश्वका विभिन्न देशजस्तै हामी पनि अर्को विश्वव्यापी महाविपद् कोरोना भाइरसको महामारीविरुद्धको लडाइमा छौँ, त्यसैका कारण विगत एक महीनादेखि सिङ्गो देश लकडाउनमा रहन बाध्य भएको छ, लकडाउनका कारण पुनःनिर्माण तथा पुनस्र्थापनाका कार्यमा गम्भीर असर परेको सर्वविदितै छ, मलाई विश्वास छ, कोरोना भाइरस विरुद्धको यस लडाईंमा हामी विनाशकारी भूकम्पपछि सिर्जित विपत्तिमा जस्तै संयम र साहसका साथ सामना गरेर अघि बढ्न सक्षम हुनेछौँ ।” प्रधानमन्त्री ओलीले पुनःनिर्माण तथा पुनःस्थापनाको अवधारणा र अपनाएको विधि विश्वका अरु देशका लागि पनि अनुकरणीय हुनसक्ने स्तरको रहेको र सबैको सहयोग, सहकार्य, दृढता र संकल्पकै कारण सम्भव भएको उल्लेख गरेका छन्। पुनःनिर्माण तथा पुनःस्थापनामा सहयोग पुर्&zwj;याउने स्थानीय जनसमुदाय, राजनीतिक दल तथ जनप्रतिनिधि, निर्माणकर्मी, प्राविधिक, राष्ट्रसेवक, सञ्चारकर्मी एवं राष्ट्रिय तथा अन्तरराष्ट्रिय सहयोगी सबैलाई उनले धन्यवाद दिएका छन्। २०७२ वैशाखको आजकै दिन बिहान ११ बजेर ५६ मिनेटमा गोरखाको बारपाकमा केन्द्रविन्दु भई विनाशकारी भूकम्प गएको थियो। भूकम्प र त्यसपछिका पराकम्पबाट करीब नौ हजार व्यक्तिले ज्यान गुमाउनुप¥यो भने मुलुकले करीब सात खर्ब बराबरको आर्थिक क्षति बेहोर्नुपर्&zwj;यो । रासस