२९ जना संक्रमित भेटिएको प्रदेश १ को यस्तो छ अवस्था
<p>विराटनगर। प्रदेश १ मा अहिलेसम्म चार हजार ८१३ जनाको कोभिड-१९ परीक्षण गरिएको छ।</p>
<p>पीसीआर विधिबाट ८८४ जनाको परीक्षण भएको छ । त्यस्तै द्रुत परीक्षण विधि (आरडीटी) बाट तीन हजार ९२९ जनाको नमुना परीक्षण गरिएको छ।</p>
<p>यस प्रदेशमा कूल २९ जनालाई कोराना भाइरस संक्रमण देखिएको छ। तीमध्ये उदयपुरको त्रियुगा नगरपालिका भुल्केबस्तीका २८ र भोजपुर हतुवागढी गाउँपालिकाका १ जना छन्।</p>
<p>संक्रमितहरूमा २७ जना पुरुष र दुईजना महिला रहेको मुख्यमन्त्री तथा मन्त्रिपरिषद्को कार्यालय कोरोना सूचना डेस्कले जनाएको छ।</p>
<p>उनीहरूमध्ये १२ जना भारतीय नागरिक रहेका छन्। नेपाली नागरिकहरुमा ४ जना मोरङ, ११ जना उदयपुर भुल्केका र एक/एकजना सप्तरी र भोजपुरका छन्।</p>
<p>२८ जनाको विराटनगरस्थित कोशी अस्पताल कोभिड-१९ उपचार केन्द्रमा उपचार हुँदैछ भने हिजो संक्रमण पुष्टि भएका भोजपुरका २६ वर्षीय युवालाई उपचारमा विराटनगर ल्याउने तयारी भइरहेको छ।</p>
<p>प्रदेश सरकारले निर्माण गरेका क्वारेन्टाइन स्थलमा हिजोसम्म एक हजार ९२ जना बसेका छन्। २४ जना पुरुष डिस्चार्ज भएका छन्।</p>
<p>संक्रमणको आशंकामा स्वास्थ्यकर्मीको निगरानीमा आइसोलेसनमा ३० जना छन् । आइसोलेनसबाट १० जना डिस्चार्ज भएका छन्।</p>
<p>होम क्वारेन्टाइनमा चार हजार ९१० जना बसिरहेका छन्।</p>
प्रतिक्रिया दिनुहोस्
.jpg)
