कोभिड-१९ भ्याक्सिन : फेल भयो पहिलो आशा
<p>लन्डन। कोरोना भाइरस संक्रमण रोकथाममा प्रभावी मानिएको एन्टी भाइरल औषधी क्लिनिकल फेल भएको छ।</p>
<p>बीबीसीले विश्‍व स्वास्थ्य संगठनका दस्तावेजहरूलाई उद्धृत गर्दै बीबीसीले जनाएअनुसार उक्त औषधी चीनमा गरिएको पहिलो क्लिनिकल परीक्षणमै फेल भएको हो। रेमडेसिभिर नामक उक्त औषधीप्रति संसारभरका चिकित्सक आशावादी थिए।</p>
<p>दुई सय ३७ जना बिरामीमध्ये एक सय ५८ जनालाई रेमडेसिभिर दिइयो भने ७९ जनालाई प्लेसिबो। रेमडेसिभिर पाएका १३ दशमलव नौ प्रतिशत बिरामीको मृत्यु भयो। प्लेसिबो दिइएकामध्ये त्यसभन्दा केही कम १२ दशमलव आठ प्रतिशतको मात्र मृत्यु भयो।</p>
<p>साइड इफेक्टका कारण रेमडेसिभिरको परीक्षणलाई पहिले पनि रोकिएको थियो। अमेरिकी कम्पनी गिलिएडको उत्पादन हो, उक्त औषधी।</p>
<p>विश्‍व स्वास्थ्य संगठनले उक्त औषधी फेल भएको सम्बन्धी विस्तृत रिपोर्ट प्रकाशित गरेको थियो। तर, गल्तीले प्रकाशित हुन गएको बताउँदै पछि हटायो। अमेरिकाको तीव्र दबाबका कारण हटाएको हुन सक्ने अनुमान विज्ञहरूको छ।</p>
<p>औषधी निर्माता कम्पनी गिलएडले विश्‍व स्वास्थ्य संगठनको रिपोर्टप्रति तीव्र विरोध जनाएको छ। कम्पनीका प्रवक्ताले संगठनको रिपोर्टमा अध्ययनसँग जोडिएका अनुचित जानकारी संलग्‍न रहेको दाबी गरेका छन्।</p>
<p>शुरुवाती चरणमै उपचारमा आएका कोभिड-१९ बिरामीका लागि रेमडेसिभिर प्रभावी देखिएको दाबी पनि उनको छ।</p>
प्रतिक्रिया दिनुहोस्
.jpg)
