लकडाउनमा नियमित डायलासिस सेवा दिँदै भक्तपुरको प्रत्यारोपण केन्द्र
<p>भक्तपुर। भक्तपुरको शहीद धर्मभक्त राष्ट्रिय प्रत्यारोपण केन्द्रले लक डाउनको समयमा पनि डायलासिसका विरामीलाई सेवा दिइरहेको छ ।</p>
<p>शुरूका दिनमा डायलासिसको समय घटाएको भएपनि अहिले नियमित सेवा दिइरहेको अस्पतालले जनाएको छ।</p>
<p>३० वटा डायलासिस मेसिनबाट केन्द्रमा अहिले दैनिक ७५ जना मिर्गौलाका विरामीले डायलासिस सेवा लिइरहेका छन्। </p>
<p>दैनिक तीन सिफ्टमा चिकित्सक तथा नर्सहरुको आलोपालो गरेर सेवा दिइरहेका छन्।</p>
<p>लकडाउनको दुई हप्ता पर्याप्त सामान मौज्दात नहुने डायलासिसको समय घटाइएको थियो।</p>
<p>तर, अहिले सबै व्यवस्थापन गरेर सबै बिरामीको आवश्यका अनुसार गर्नुपर्ने डायलासिसमा कुनै कमी नगरिएको केन्द्रकी नेफ्रोलोजी विभाग प्रमुख डा. कल्पना श्रेष्ठले बताइन्।</p>
<p>केन्द्रमा डायलासिसको प्रतिक्षासूचीमा भने १०८ बिरामीहरू छन्। कार्यकारी निर्देशक डा. पुकारचन्द्र श्रेष्ठले आकस्मिक डायलासिस गर्नुपर्ने बिरामीहरु पनि आउने गरेको जानकरी दिएका छन्।</p>
<p>त्यस्ता बिरामी दैनिक पाँचदेखि सातजनासम्म आउँछन्। </p>
<p>मिर्गौला तथा कलेजो प्रत्यारोपण गरेका बिरामी तथा दाताहरूको नियमित फलोअप पनि निरन्तर नै रहेको अस्पतालले जनाएको छ।</p>
प्रतिक्रिया दिनुहोस्
.jpg)
