भारतबाट लुकीछिपी प्रवेश गर्ने क्रम बढेपछि प्रदेश २ का सीमानाका सिल
<p>वीरगञ्ज। उदयपुर जिल्लामा कोरोना भाइरसको जोखिम बढेपछि प्रदेश २ सँग जोडिएको सिरहा र सप्तरीको सीमानाका सिल गरिएको छ।</p>
<p>सो प्रदेशमा भारतीय सीमासँग जोडिएको आठ जिल्लाको लम्बाइ ४२८ किलोमिटर छ। सो क्षेत्रमा ३२९ चेक प्वाइन्ट स्थापना गरिएको छ।</p>
<p>खुला सीमाका कारण भारतबाट लुकीछिपी नेपाल प्रवेश गर्ने क्रम बढेपछि प्रहरीले सीमानाकामा चेक प्वाइन्ट स्थापना गरी निगरानी बढाएको हो।</p>
<p>भारत फर्किन लागेका ४० भारतीयलाई पर्सा प्रहरीले वीरगञ्जबाट नियन्त्रणमा लिएको छ। प्रहरीले पर्साको अलौ, सिर्सिया र वीरगञ्ज भन्सार क्षेत्रबाट नियन्त्रणमा लिएको हो।</p>
<p>उनीहरूलाई यहाँस्थित ठाकुरराम बहुमुखी क्याम्पसमा रहेको क्वारेन्टाइनमा राखिएको छ। अहिले त्यहाँ १२४ भारतीय नागरिक छन्। <em>रासस</em></p>
प्रतिक्रिया दिनुहोस्
.jpg)
