मेची अस्पतालकाे आइसोलेसन कक्षमा रहेका २१ जना डिस्चार्ज
<p>झापा। कोभिड-१९ काे आशंकामा भद्रपुरस्थित मेची अञ्चल अस्पतालमा भर्ना भएका २१ जना डिस्चार्ज भएका छन्।</p>
<p>अस्पतालको आइसोलेसन वार्डमा भर्ना गरिएका सबै बिरामीको स्वाब परीक्षणको रिपोर्ट नेगेटिभ आएपछि डिस्चार्ज गरिएको अस्पतालका मेडिकल सुपरिटेन्डेन्ट पिताम्बर ठाकुरले जानकारी दिए।</p>
<p>सो अस्पतालमा २५ र दमक अस्पतालमा दुई गरी जिल्लामा कूल २७ शय्याको आइसोलेसन वार्ड निर्माण गरिएको छ।</p>
<p>अस्पतालमा विभिन्न संघसंस्थाले पीपीई, मास्क, पञ्जालगायतका स्वास्थ्य सामग्रीको सहयोग गरिरहेका छन्।</p>
<p>झापाका १५ स्थानीय तहले विभिन्न २७ स्थानमा ७७८ क्षमताको क्वारेन्टाइन कक्ष बनाएका छन्। ती क्वारेन्टाइनमा हाल १८९ जना छन् भने २३९ जना क्वारेन्टाइन अवधि पूरा गरेर घर फर्किसकेका छन् ।</p>
<p>होम क्वारेन्टाइनमा एक हजार ४६ छन्। <em>रासस</em></p>
प्रतिक्रिया दिनुहोस्
.jpg)
